Поради огромниот интерес за претставата „Оревокршачка” на мраз, која ќе се одржи на четврти декември 2017 година со почеток во 20 часот, организаторите, „Прагма Продукција“, се одлучија и за втора претстава, која ќе се одржи исто на 4. декември, но со почеток во 22 часот во Македонската опера и балет.
Македонската јавност има ретка можност да го види балетскиот спектакл, претставата „Оревокршачка” на мраз, во изведба на државниот балет на мраз од Санкт Петербург, Русија.
Спојот на балетската уметност и најелегантниот спорт – уметничкото лизгање е програмската цел на Државниот Балет на Мраз од Санкт Петербург, Русија, кој е основан во 1967 година од страна на истакнатиот балетски кореограф Константин Бојарски. Музички директор и коосновач на оваа балетска куќа е Лео Коркин – познат руски диригент.
Балетот на својот репертоар ги има познатите балети на Петар И. Чајковски – „Заспаната убавица“, „Лебедово езеро“ и „Оревокршачка“, како и балетите „Ромео и Јулија“ и „Пепелашка“ од Сергеј Прокофјев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
