Пет лица полесно повредени во сообраќајни несреќи вчера во Скопје

Пет лица биле полесно повредени во пет од вкупно 10 сообраќајни несреќи кои се случиле во текот на изминатото деноноќие на подрачјето на Скопје. Во останатите пет била причинета само материјална штета.

Како што информира МВР, во текот на вчерашниот ден сообраќајната полиција открила и санкционирала поголем број прекршоци. Од сообраќај се исклучени едно лице кое го управувало возилото под дејство на алкохол, 11 возачи го управувале возилото пред да се стекнат со право на управување на моторно возило, 12 лица го управувале возилото со истечена важност на сообраќајната дозвола, како и едно лице кое го управувало возилото технички неисправно.

Санкционирани се и девет возачи кои не го почитувале ограничувањето на брзината на движење, еден пешак поминал на коловоз вон пешачки премин, како и тројца возачи поради непрописно престројување. Затекнати биле 89 непрописно паркирани возила. Со помош на специјалното возило пајак, отстранети биле 84 возила.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.