Коалицијата „За подобра Македонија“ предводена од ВМРО-ДПМНЕ денеска со митинзи во Берово и во Делчево

Партиите, коалициите и независните кандидати денеска со митинзи и средби со граѓани ја продолжуваат изборната кампања.

Коалицијата „Живот во Македонија“ предводена од СДСМ денеска ќе одржи средби со граѓани во Долнени и Кривогаштани и митинзи во Крушево и во Прилеп.

Коалицијата „За подобра Македонија“ предводена од ВМРО-ДПМНЕ ќе има средби со граѓани во Македонска Каменица и Пехчево и митинзи во Берово и во Делчево.

Демократската унија за интеграција е на средба со граѓани во Гостивар, а Движењето „БЕСА“ во Сарај.

Кампањата за првиот изборен круг ќе заврши во петок, 13 октомври, во 24 часот.

Шестите локални избори во Македонија се закажани за 15 октомври, а ќе се спроведуваат на 3.480 избирачки места во 80 општини и во Градот Скопје.

Вториот круг од изборите е закажан две недели подоцна, на 29 октомври. Изборната кампања за вториот круг завршува на 27 октомври во 24 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.