На есенското издание на 36. Интернационален филмски фестивал во Њу Џерси македонскиот долгометражен игран филм „Златна петорка“ во режија на Горан Тренчовски освои Гран-при за најдобар игран филм.
– Претходно филмот го вреднуваше 15-члена комисија составена од академици, професионалци и новинари, кои од вкупно 377 наслови од целиот свет го вброија меѓу 17 финалисти. Вчера, пак, по завршувањето на натпреварувачката програма, организаторите официјално ја соопштија конечната одлука за наградените. Ова е наедно и седма меѓународна награда за екипата на „Златна петорка“, која не успеа да го помине филтерот од Македонија за номинација за Оскар како филм од неанглиско говорно подрачје, соопшти продуцентската куќа „Револушн“.
Продукцијата додава дека филмската дистрибуција на „Златна петорка“ продолжува и понатаму на странските фестивали и во киномрежата низ Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
