Нови детали: Што подготвувал монструозниот убиец од Лас Вегас?

Убиецот во Лас Вегас можеби планирал и други напади, вклучувајќи и напад со автомобил-бомба. Ова беше објавено од АП, која пак се повикува на неименуван претставник на САД.

Во автомобилот на Стивен Паддок имал амониум нитрат, кој може да се користи за експлозивна направа, како и над 20 килограми експлозив танерит што ја поддржува оваа теза.

Шерифот на Лас Вегас Џо Ломбардо соопшти дека Паддок држел во својот автомобил „Хјундаи“ 1600 патрони. Автомобилот беше откриен неколку дена по нападот. Според Си – Ен – Ен стрелец си купил муниција на пазар во Аризона, неколку седмици пред злосторството и барал олиго куршуми, но не можел да најде.

Масовниот убиец, кој уби 59 лица и рани околу 500, и пред тоа резервирал соби во хотели со поглед кон други концерти на отворено во Бостон и Чикаго и барал на интернет мрежата информации за овие објекти, односно дали има прегледност.

Девојка на 64-годишниот Паддок Мерилу Данли е од Филипини, која пред тоа го опиша како „љубезен и тивок“, подоцна открила при сослушување дека често лежел на кревет, стенкал и викал „О, боже мој“. Според неа, тој покажал некои симптоми на ментално растројство.

Полицијата потврди дека користел седативи за смирување. Истрагата смета г-ѓа Данли е клучен сведок кој би помогнал да се одговори на главниот збор-какви се мотивите на убиецот.

Во ноќта спроти крвавото злосторство Стивен Паддок два пати се пожалил на хотелскиот персонал од силната кантри музика, која доаѓала од собата под неговата, и вработените направиле забелешка на најгласните гости, пишува „Дејли мејл“. Во меѓувреме авиокомпаниите им дозволија на патниците да ги менуваат летовите од и за Лас Вегас, без да плаќаат казнени такси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.