Руски војник застрелал и убил тројца свои колеги со автоматско оружје за време на воена пракса на далечниот исток на земјата, а потоа избегал со своето оружје од местото на настанот, соопштија руските власти.
Во инцидентот биле повредени уште двајца војници. Војниците биле на стрелање во округот Амур, соопштија властите. Надлежните органи го истражуваат случајот и трагаат по осомничениот кој е во воена иниформа. Локалните власти велат дека осомничен за нападот е 23-годишниот војник Гасан Абдулахадов, роден во рускиот регион Дагестан во Северен Кавказ.
Засега не се познати мотивите за нападот. Во соопштението на Министерството за одбрана се вели дека „сите верзии“ се испитуваат, вклучувајќи ја и можноста стрелецот да има „нервен слом“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
