Толку мал, а толку снаодлив: Како ескивира принцот Џорџ од училиште

Принцот Џорџ пред само три недели почна да оди во училиште, но се чини дека не е баш најсреќен со оваа нова секојдневна рутина.

Неговиот татко, принцот Вилијам се пожалил дека е потребна цела вечност за да го натераат четиригодишното момче да појде од дома, и дека постојано го одолговлекува излегувањето од дома.

И самиот Вилијам претпоставил дека ова може да се случи, па така на една мајка чие дете оди во истото училиште ѝго опишал првиот ден на Џорџ.

-Сѐ ни беше јасно уште првиот ден кога видовме дека подготвките за училиште траат цела вечност – пренесува Венити Фер.

Навистина, тешко е да се обвинува малиот Џорџ, што и не е претерано ентузијастички околу новата секојдневна рутина, школски обврски и униформа. На крајот сепак се работи за момче кое живее во палата, кое го пропатува половина свет и го дочека Барак Обама во домашна наметка, поради што не чуди како неговиот поглед на свет е сосема поинаков од оној на неговите врсници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.