Осум приведени во акциска контрола за спречување продажба и ужување опојна дрога

Отсекот за недозволена трговија при СВР Велес во текот на минатиот викенд реализира акциски контроли на подрачјето на Неготино и Кавадарци за спречување на уличната продажба и уживање на опојни дроги, при што лиши од слобода осум лица М.Ч. (19), П.А. (22), А.Д. (23), А.Ј. (26) М.Б. (25), В.В. (21), сите од Неготино и И.Ѓ. (21), и Л.И. (21) од Кавадарци.

Кај приведените, информира МВР, пронајдена е опојна дрога марихуана во помали количини подготвена за препродажба, како и за употреба (цигари со марихуана).

– Во акциската контрола запленети се над 70 грама опојна дрога марихуана. По лишувањето од слобода на лицата, со нив е извршен разговор, по што се пуштени на слобода, а по целосно документирање на случаите против нив ќе бидат поднесени соодветни пријави, соопшти МВР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.