Германската канцеларка Ангела Меркел изјави дека Турција никогаш нема да стане членка на Европската унија.
– Отсекогаш бев сигурна дека Турција нема да стане членка на ЕУ, нагласи Меркел во телевизиската дебата со социјалдемократскиот кандидат за канцелар, Мартин Шулц.
Таа потенцираше дека доколу повторно го освои мандатот за канцелар на Германија ќе ги прекине преговорите за членство на Анкара во Унијата.
– Јасно е дека Турција не треба да стане членка на ЕУ. Ќе зборувам со моите колеги за да дознаеме дали можеме да постигнеме заедничка позиција и да ги прекинеме преговорите за членство на Труција, истакна Меркел.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
