Русинот Јуриј Головин (30) е уапсен зошто го откопал ковчегот на поранешната девојка Олга Гилева, која починала пред 5 години, а потоа нејзиното тело го запалил.
Како што јавија руските медиуми, овој бизарен случај се случил во селото Меншчиково во централна Русија, оддалечено 1.800 километри од Москва.
Олга, тогаш на свои 17 години, извршила самоубиство, бесејќи се по нервниот слом што го доживеала поради раскинувањето.
Головин тврди дека од тогаш постојано му се јавувала на сон. Тој го обвинил нејзиниот дух дека го прогонувал и рекол дека морал да го запали нејзиниот труп за да му престанат ноќните кошмари.
На крајот пукнал и со помош на 23-годишник чиј идентитет не е соопштен, го направил тоа што му го побарал духот – го откопал трупот на бившата девојка и го запалил.
За среќа Головин не успеал во својата намера. Ковчегот на некои места е оштетен од огнот, но не успеал да го запали цел.
Според руските закони, нему поради сквернавење на гробот му се заканува затворска казна до 5 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
