Пожарот над пехчевско Негрево се уште е активен. Гори густа борова шума, а во неговото гаснење се ангажирани 40 лица.
Директорот на ЈП „Македонски шуми“ – Подружница „Равна Река“ Борче Бојчевски, рече дека на терен се ангажирани за гаснење екипи од Подружницата од Пехчево, ТППЕ од Берово, екипи од од општината, од комуналното претпријатие.
– Станува збор за опасен пожар кој брзо се шири, бидејќи станува збор за густа борова шума и со помош на ветрот. Засега можеме да кажеме дека е зафатена површина над 15 хектари, рече Бојчевски.
Бојчевски се сомнева дека пожарот е подметнат и испраќа апел до граѓаните да бидат совесни и да не ја уништуваат иднината на идните генерации, бидејќи со пожарот не се уништува само дрваната маса во шумата, туку и сите нејзини многубројни општокорисни функции.
Пожарот над пехчевски Негрево е активен од вчера од 19 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
