Гори борова и дабова шума над каменичкото село Моштица во месноста Далевско маало.
Според ЦУК – Делчево, пожарот е пријавен во 14:20 часот и првично зафатил сува трева по што се проширил во околната борова шума.
– Засега не можеме со сигурност да кажеме колкава површина е зафатена, но според првичните пресметки зафатени се 10 хектари дабова и борова шума. Теренот е непристапен, вегетацијата е сува и со помош на ветерот огнот се шири со голема брзина, истакна Драган Балас од ЦУК – Делчево.
Тој потенцираше и дека во гаснењето на пожарот, освен лица од ЈП Македонски шуми, вклучлени се и екипи на ТППЕ од Македонска Каменица и од ЈП „Камена Река“, месно население, а на помош се викнати и пожарникари од Делчево и Кочани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
