Советот на градот Скопје денеска треба да донесе одлука со која работното време на угостителските објекти треба да се продолжи за еден час во следните четири викенди.
Спред предлог-одлуката, кафулињата, кафеаните, рестораните и другите објекти што се наоѓаат на подрачјето на Скопје ќе можат да работат до 2 часот по полноќ во на 18 и 19 август, 25 и 26 август, 1 и 2 септември, како и 8 и 9 септември, односно следните четири петоци и саботи.
Вообичаеното работно време на угостителите е до 1 часот по полноќ во петок и во сабота, а до 12 часот во другите денови. Во образложението се вели дека градот Скопје има право да го продолжи ова време за најмногу три часа за време на одредени манифестации.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
