Времето денеска е сончево и многу топло со слаб до умерен ветер, претежно од североисточен правец.
До крајот на денот останува сончево и многу топло време со слаб североисточен ветер.
МАКСИМАЛНИ ТЕМПЕРАТУРИ: 41 Демир Капија, 40 Гевгелија, Скопје, 39 Штип, 38 Струмица, Виница, Тетово, 37 Битола, 36 Прилеп, Тополчани, Кр. Паланка, 35 Претор, Берово, Ѓуриште, 34 Пожаране, 32 Маврово, Лазарополе.
ВРЕМЕТО УТРЕ: Сончево и многу топло со слаб ветер од променлив правец. Минималната температура од 10 до 20, а максималната од 36 до 42 степена. УВ=9.
Во Скопје сончево и многу топло. Температура од 18 до 41 степен.
ВРЕМЕТО ВО НАРЕДНИТЕ ДЕНОВИ: До четврток подрачјето на Македонија ќе биде под влијание на стабилна и многу топла воздушна маса, што ќе услови да продолжи периодот на претежно сончево, многу топло и суво време. Во поголем дел од земјава максималната температура ќе достигнува над 35, а на места вдолж Повардарието ќе надминува 40 степени. Најтопло се очекува да биде за време на деновите од викендот. Од понеделник во попладневните часови ќе има појава на умерена локална облачност. УВ индексот и понатаму ќе биде многу висок со вредност 9. Според прогнозираните температури во наредните денови повеќе региони од земјава ќе бидат во портокалова фаза во однос на опасноста од високи температури.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
