Пожарот во атарот на село Требовље, општина Македонски Брод, се уште е активен, но засега е избегнато негово ширење кон селата Растеш и Требовље.
ЦУК соопшти дека на терен дејствуваат два авиона на ДЗС, а се очекува активирање и на два хелихоптера на АРМ. Пожарот го гасат и екипи на територијалните противпожарни единици од Македонски Брод, Скопје, Куманово и на ЈП Македонски шуми, како и припадници на ДЗС, на АРМ, доброволци и локалното население.
Активен пожар има и на падините на Горна Јакупица кај Велес. Зафатена е мешана шума (бор и бука). Во гасењето се ангажирани вработени во Шумското стопанство Бабуна, Велес.
На територијата на Град Скопје денеска нема регистрирано активни шумски пожари. Пожарот што избувна вчера во селото Орман во општина Ѓорче Петров е локализиран синоќа околу 23.00 часот. Во неговото гаснење учествувале припадниците на Бригадата за противпожарна заштита, лица од месното население, како и вработени во комуналните служби при општина Ѓорче Петров.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
