Шампионско возење на Фетел во Монтреал

Германскиот возач и актуелен шампион, Себастијан Фетел, оствари сигурна победа на трката за Големата награда на Канада, на патеката „Жил Вилнев“ во Монтреал, откако стартуваше од пол-позицијата. Фетел успеа да го задржи водечкото место од стартот до самиот крај. Трката ја заврши со време од еден час и 32 минути и 9 секунди и со огромни за Ф1 , 14 секунди предност пред Феранндо Алонсо.

На подиумот веднаш зад нив се искачи третопласираниот Луис Хамилтон, кого Алонсо го мина седум круга пред крајот.

Марк Вебер пристигна на целта како четвртопласиран, потоа следуваше Нико Розберг, а Кими Раиконен беше деветти, но успеа да израмни еден од рекордите на Михаел Шумахер, со 24 трки во низа на кои освојувал поени во формула 1.

Во генералниот пласман, Себастијан Фетел остана лидер со 132 поени, 36 пред Фернандо Алонсо, кој собра 96. На третото место е Кими Раиконен со 88 бода. Следуваат Луис Хамилтон со 77 и Марк Вебер со 69 бода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.