Музичката програма на 57. „Охридско лето“ продолжува со вечерашниот концерт на Варшавскиот хармоникашки квинтет, како дел од веќе традиционалната фестивалска „Полска вечер“.
Виолинистките Марија Маховска-Залах и Јустина Баран, Марек Чех (виола), Александра Охар-Справка (виолончело) и Клаудиуш Баран (хармоника и бандонеон) на сцената на катедралната црква „Света Софија“ ќе ги изведат делата „Багатели“ на „Дворжак, „Свита“ на Швидер, како и атрактивни мелодии и танга на Пјацола.
Веќе неколку години наназад „Охридско лето“ заедно со Почесниот конзулат на Република Полска во Охрид организираат „Полска вечер“ во рамки на фестивалската програма, со настапи и концерти на реномирани уметници и музичари од Полска.
Во фестивалската историја ќе остане запишан концертот со еден од најславните композитори на денешницата – Кшиштоф Пендерецки кој подоцна беше прогласен за музички настан на годината за 2013.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Словенечкиот уметник со светско реноме Дарко Брлек доаѓа на 59-тото „Охридско лето“
-
„Охридско лето“: Поради спецификата на претставата што се играше пред самата сцена на Антички, видното поле од гледалиштето беше намалено, и тоа го најавивме
-
Слаба посетеност на затворањето на „Охридско лето“
-
„Илијада“ во копродукција на СНГ, Цанкариев дом и Градски театар од Словенија вечерва го затвора „Охридско лето“
