Вечерва на Скопско лето, со почеток во 21 часот ќе се одржи концерт на Камерниот оркестар на Музичка Младина на Македонија, на Факултетот за ликовни уметности Сули ан. Диригент е Џанлука Мартиненги од Италија, а асистент диригент е Иван Еминовиќ – Македонија.
Камерниот оркестар на Музичка младина на Македонија постои повеќе од 30 години, основан како прв сегмент од Летниот музички камп на МММ , во Охрид 1986 година. Овој ансамбл е прв и единствен од ваков вид на просторите на Југоисточна Европа. Во досегашното егзистирање во негови рамки учествувале повеќе од 300 млади музичари- претежно студенти од ФМУ-Скопје, но и гости млади музичари од други земји.Со своето музицирање во сиот овој период се наметна на музичката јавност не само како неопходност туку и како изведувачки состав со високо професиоални квалитети. Оркестарот има реализирано преку 90 концерти, добивајќи позитивни критики, но и национални награди и признанија. Покрај класичниот репертоар оркестарот изведува дела од современи, како и од македонски автори. Има остварено повеќе телевизиски и радиоснимки, како и сопствена цеде-продукција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
