Полициски службеници при Регионалниот центар за гранични работи Север вчера на граничниот премин Табановце спречиле обид за криумчарење марихуана на излез од Македонија кон Србија.
Како што соопшти полицијата, во 22 часот на „Табановце“ дошле М.С. (30) и К.Г. (31) со патничко возило „Опел Астра“, двајцата од Скопје. По граничните проверки, биле повикани на дополнителна контрола при чие спроведување, под задните тапацири во возилото, е пронајдена марихуана во 25 пакувања од по околу 12,5 килограми.
Лицата се приведени и предадени на инспектори од МВР при СВР Куманово за натамошна постапка, а од страна на крим-техника е извршен увид и документирање на настанот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
