Најнадежниот македонски фудбалер, Елиф Елмас, синоќа пристигна во Инстанбул, каде во наредните денови треба ќе го официјализира трансферот во турскиот гигант, Фенербахче.
Сепак, 17-годишниот играч за врска, ќе мора да почека до јануари за да дебитира во дресот на некогашниот шампион на Турција, денеска објави тамошниот „Си-Ен-Ен“. Причината е тоа што нашиот фудбалер сè уште е малолетен, а правилата на ФИФА се јасни, еден малолетен фудбалер може да биде регистриран во еден трансфер-период, само ако до самото завршување на истиот, тој ќе наполни 18 години, што не е таков случајот со Елмас.
Медиумот, исто така, пишува дека Eлиф најверојатно есенската сезона ќе ја мине на позајмица во Работнички, од каде и премина во редовите на Фенербахче. Елмас одигра одлична сезона во дресот на „романтичарите“, а забележа и солидни настапи на ЕП за млади фудбалери во Полска, каде Македонија за прв пат во историјата обезбеди учество.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
