Наместо да се занимава со демагогија и да пласира трули тези, подобро е Арбен Таравари нешто да сработи. Помина скоро еден месец откако е министер, а само демагогии слушаме од него, се вели во реакцијата од ВМРО-ДПМНЕ на интервјуто на министерот за здравство, Арбен Таравари за неделникот Фокус.
-Ако беше работата за филизоф министер, веројатно Ферид Мухиќ ќе беше подобар. Конкретно за неговиот став дека лекарите заминувале бидејќи здравството во Македонија било партизирано, сакаме да го прашаме Таравари дали може да објасни зошто лекарите од Словенија, Хрватска, Полска, Чешка, Бугарија, Унгарија и другите, исто и од неевропски земји, масовно заминуваат во западна Европа, а во прв ред во Германија и Швајцарија.
И второ прашање, дали може да ни објасни зошто лекарите од Германија, Франција, Италија и други западноевроспки земји масовно заминуваат во САД, се вели во реакцијата.
Дали во цела Европа е партизирано здравството или Таравари можеби го бивало да напише некој медицински труд, ама како министер е изгубен во просторот и времето, прашува најголемата опозициска партија во реакцијата испратена до министерот Таравари.
–И последно прашање за Таравари: Што ќе одговори за една година откако тој е министер кога ќе му приложиме колку лекари заминале и кога ќе види дека со демагогија и бистрење политика не се решаваат проблемите на лекарите и здравството, велат од ВМРО-ДПМНЕ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
