Почина Естер Вилијамс- Холивудската сирена (видео)

Американската шампионка во пливање која стана филмска ѕвезда почина во сон на 91 година во Лос Анџелес, соопшти нејзиниот портпарол.

Национален пливачки шампион на 16 години, успехот на Естер Вилијамс и помогна за холивудска кариера со специјално за неа создадениот „аква- мјузикл“ во 1940-тите.

Позната како Холивудска Сирена глуми во повеќе филмови во кои се појавува во спектакуларни костими за капење врз беспрекорното тело, заради што станува „бокс-офис ѕвезда“ во 40-тите и 50-тите години на минатиот век.

Содржините биле исполнети со љубовни песни и танцувачки афери, следејќи ја формулата за романса музика и комедија, секако барајќи различни приказни за хероината да падне во вода. Секако, најпознат филм е „Бал на вода“   .

Нејзини партнери беа Џин Кели, Френк Синатра, Ред Скелтон, Рикардо Минталбан и Хауард Кил.

Таа проба и улоги во кои не е во костими за капење, но без поголем успех. Во 1962 се повлече и се омажи со холивудскиот плејбој Фернардо Ламас.

Делови од нејзините филмови се употребени за снимање на спот за песна наречена, како поинаку, H2O.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.