Нов инцидент: Авион на НАТО пролетал крај авионот на рускиот министер за одбрана

Борбен авион на НАТО се приближил и кружел околу руски авион на небото во балтичкиот регион во којшто се наоѓал рускиот министер за одбрана, Сергеј Шојгу.
Во соопштението на руското Министерство за одбрана е наведено дека Ф-16 борбениот авион на НАТО Алијансата настојувал да се приближи до рускиот авион над неутралните води на Балтичкото Море, а потоа, како што пренесуваат руските медиуми, истиот авион „бил избркан“ од руски борбен авион Су-27.

Инаку, рускиот министер за одбрана, Сергеј Шојгу, патувал кон Калининград, руска енклава сместена помеѓу Литванија и Полска, каде што деновиве ќе одржи состанок со највисоките воени лица задолжени за одбраната на оваа енклава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.