Инцидент на Тур де Франс, полициски солзавец ја прекина трката (ФОТО)

Светската велосипедска трка Тур де Франс денеска кратко време беше прекината откако учесниците беа испрскани со непозната хемикалија, најверојатно со солзавец или бибер спреј.

На патот на кои требало да поминат велосипедистите, штрајкувале локални фармери. За да ги растера полицијата користела и солзавец.

Водечката група натпреварувачи, меѓу кои и четрикратниот шампион, Британецот Кристофер Фрум од тимот „Скај“, добија лекарска помош поради печење на очите.

Трката повторно почна и денеска се вози етапата од Каркасон до Бањер де Лишон, долга 218 километри.

Претходните денови француските навивачи го пресретнуваа, навредуваа, турка и плукаа Фрум и другите членови на британската екипа. Фрум е неприкосновен фаворит за победа, но не е омилен во Франција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.