Актуелниот претседател на Реал Мадрид, Флорентино Перез ќе остане на чело на „кралкиот клуб“ и во наредните четири години, бидејќи не се пријави ниту еден кандидат како потенцијален ривал на претстојните избори во Реал Мадрид.
Потенцијалните противкандидати имаа рок до вчеравечер на полноќ да се пријават, но тоа никој не го направи и автоматски Перез добива нов четиригодишен мандадт.
70-годишниот Перез е еден од најзаслужните за враќањето на Реал Мадрид на самиот врв на европскиот фудбал. Првпат на функцијата претседател седна во 2000 година, кога го започна проектот „Галактикос“, а го напушти клубот во 2003 година.
Неговото второ враќање на претседателската функција се случи во 2009 година и трае до ден денес. Во овој период успеа да го врати „кралскиот клуб“ на старите позиции, а со последното освојување на Лигата на шампионите, едноставно си го зацементира своето место.
Florentino Perez has been reelected Real Madrid president and will serve four more years, until 2021. pic.twitter.com/Syq843UWir
— B/R Football (@brfootball) June 18, 2017
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
