По цена од 14 милиони американски долари се продава поранешниот дом на актерката Одри Хепберн. Домот на актерката од култниот филм „Појадок кај Тифани“ е раскошна резиденција во Лос Анџелес. Проектирана е од архитектот Пол Вилијамс во 1938 година. Во домот на Одри, архитектот, сместил дури шест спални соби. Токму во овој дом, актерката им посакала добредојде на голем број холивудски ѕвезди, меѓу кои и нејзините колеги, актери од познатиот филм.
Резиденција се наоѓа во Лос Анџелес на околу 7.000 метри квадратни, а заедно со неа доаѓаат и гостинска куќа, базен, тениски терени и прекрасна градина. Што се однесува до ентериерот, тој неодоливо потсетува на холивудскиот гламур од 50 – тите години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
