Миноски: Буџетот не е празен, тврдењата на Заев не се точни

Бев зачуден од изјавата на Заев пред се од информациите кои што беа пласирани, постои една недоследност и нелогичност во неговата изјава, а доколку во буџетот се затекнати 6 милиони евра во тој случај како е можно на 5 јуни од страна на Министерството за финасии да бидат исплатени пензии, социјална помош како и субвенции во износ од 77 милиони евра, ова го изјави Кирил Миновски поранешниот министер за финасии во интервју на телевизија Нова.

– Овие средства нема од каде да дојдат во буџетот на Република Македонија освен ако не се наоѓаат таму. Информацијата навистина ме изненади и сметам дека треба да се биде доста сериозен кога се говори за средствата кои се наоѓаат во буџетот од проста причина што изјавите дадени од премиер на Република Македонија влијаат врз кредитниот рејтинг што го има Македонија, а со тоа и врз каматните стапки што ги плаќа Македонија при позајмување на срества на меѓународниот пазар. Можам да кажам дека средствана кои се наоѓаат во буџетот не беа 130 туку беа во поголем број и тоа околу 141 милион несметајќи ги доспеаните обврски, истакна Миноски.

Тој потенцираше дека средствата во буџетот сигурно се повеќе од 110 милиони евра и во тој контекст тој уште еднашка кажа дека искажаната сума за износот на средства буџетот се невистинити

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.