Ајакс го враќа Хунтелар во Холандија

Некогашната најголема надеж на фудбалска Холандија, Клас Јан Хунтелар, одлучи да се врати во редовите на Ајакс, каде настапуваше од 2006 до 2008 година.

Холандкиот голгетер кој е продукт на ПСВ Ајндховен во Ајакс се врати од редовите на Шалке и потпиша договор на една година, со можност истиот да биде продолжен за уште една.

– Не е тајна што Ајакс е во моето срце и многу сум среќен што се вратив тука. Ќе дадам сè од себе навивачите да се радуваат на моите голови – по промоцијата изјави Хунтелар.

33-годишниот напаѓач за време на првиот престој во тимот од Амстердам одигра 136 натпревари во кои постигна 105 гола, па потоа имаше неславни денови во Реал Мадрид и Милан, за да од 2010 година да го носи дресот на германскиот гигант.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.