Турскиот претседател Реџеп Тајип Ердоган соопшти дека Европската Унија на Турција и доставила нова 12-месечна програма за обновување на односите, пишува весникот „Хуриет“.
Ердоган пред новинарите во авионот на враќање од средбата на врвот на НАТО во Брисел неделава соопштил дека Турција и ЕУ постигнале согласност да дадат нов поттик во односите и дека министрите за надворешни работи на Турција и ЕУ ќе работат по новата програма.
Односите меѓу Турција и ЕУ, и особено со Германија, се влошија по серијата дипломски скандали, посочуваат британските меидуми.
Весникот го цитира Ердоган дека за време на своите средби со европските претставници повторно ја покренал темата за укинување на визите за турските државјани и дека турските и европските службеници ќе работат заедно на оваа прашање.
На почетокот на 2016 година Турција се согласи да помогне во надминување на миграцискиот прилив кон Европа во замена за укинување на визите за турските државјани и три милијарди евра финансиска помош од ЕУ. Но, Брисел сака Анкара прво да ги смени своите антитерористички закони, што, според ЕУ, се преопфатни, потсетуваат британските медиуми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
