Милевски на 30 мај ќе ги соопшти патниците на Европското првенство во Полска

Селекторот на У21 репрезентацијата на Македонија, Благоја Милевски, за четири дена ќе го соопшти официјалниот список на фудбалери со кои ќе патува на Европското првенство (ЕП) кое во јуни ќе се игра во Полска.

Милевски ќе ги открие картите на 30 мај, на прес-конференција пред новинарите. На списокот не се очекува големи промени и претпоставка е дека истите играчи што го понесоа товарот во квалификациите ќе бидат дел од ЕП.

Првиот собир У21 репрезентацијата ќе го има на почетокот на јуни кога ќе се кове тактиката за мечевите со Шпанија, Србија и со Португалија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.