Сите имаат први дами, само Луксембург прв господин (ФОТО)

Додека претседателот на САД, Доналд Трамп, остварува средби со шефовите на влади на собирот на земјите-членки на НАТО, првата дама Меланија Трамп се среќава со нивните сопруги… или сопруг. Готје Дестен, сопругот на премиерот на Луксембург, Хавиер Бетел, им се приклучи на сопругите на вечерата органзирана во рамките на конференцијата на НАТО во Брисел.

Премиерот Бетел (44) и белгискиот архитект Дестен стапија во граѓански брак во 2010 година, а се венчаа во 2015 година откако Луксембург ги одобри хомосексуалните бракови. Католикот Бетел стана првиот геј-премиер на Луксембург кој јавно зборува за својата сексуалност.

Сепак, тој не е единствениот геј-шеф на влада во светот, но е единствен во моментов – иста сексуална определба имаат и поранешната премиерка на Исланд, Јохана Сигурдардотир, и поранешниот премиер на Белгија, Елио ди Рупо, чиишто менадати завршија во 2013 и во 2015 година.

Првиот господин на Луксембург вечераше во друштво на првите дами на САД Меланија Трамп, Франција Брижит Макрон, Турција Емине Ѓулбаран Ердоган, кралицата Матилда од Белгија, Ингрид Шулеруд, на Бугарија Десислава Радева, Амели Дербаудренгајн, Мојца Стропник и првата дама на Исланд, Тора Маргрет Балдвинсдотир.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.