Сите понекогаш знаат да го прескокнат појадокот, дали за да поспијат пет минути повеќе, или, едноставно затоа што „не им се отвора уста толку рано“ и само со шолја кафе да заминат на работа. Но појадокот многу важен и ова се причините поради кои треба да појадувате секој ден:
Појадокот ги подобрува концентрацијата, фокусот и продуктивноста
Појадокот не само што го снабдува со енергија вашето тело, туку го храни и вашиот мозок. Јадењето наутро ја подобрува концентрацијата и ја зголемува способноста за фокусирање. Веројатно имате почувствувано дека е тешко да се сконцентрирате додека ви кркори стомакот.
Појадокот ја зголемува енергијата
Луѓето кои го започнуваат денот со појадок имаат повеќе енергија и можат да издржат поинтензивна физичка активност. Тоа значи дека ако појадувате, поголема е веројатноста да го издржите напорниот час по аеробик и полесно да го оформувате вашето тело.
Појадокот го забрзува метаболизмот
Кога не јадете подолг период (во текот на ноќта), телото започнува да „мисли“ дека гладувате и складира повеќе масти. Појадокот го стимулира метаболизмот и го поттикнува телото да согорува калории.
Појадокот го намалува ризикот од дијабетес
Кај луѓето кои појадуваат се намалува ризикот од појава на дијабетес, прекумерна дебелина или кардиоваскуларни заболувања.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
