Трамп: Ким Јонг-ун е луд човек со нуклеарно оружје

Претседателот на САД Доналд Трамп изјави во телефонски разговор со претседателот на Филипините Родриго Дутерте дека севернокорејскиот лидер Кин Јонг-ун е „лудак кој има нуклеарно оружје“.

Претседателот на САД Доналд Трамп изјави во телефонски разговор со претседателот на Филипините Родриго Дутерте дека севернокорејскиот лидер Кин Јонг-ун е „лудак кој има нуклеарно оружје“.

Според транскриптот од разговорот, кој го објавија американските медиуми Трамп му рекол на Дутерте дека поради тоа на севернокорејскиот лидер не смее да му се дозволи да се однесува како што сака.

– Ние имаме голема оружана моќ, поголема од него 20 пати, но не сакаме да ја употребиме, рече Трамп, наведувајќи дека Пентагон во корејското подрачје упатил две нуклеарни подморници минатиот месец.

Трамп побрал од Дутерте мислење за личноста на Ким, на што филипинскиот лидер одговорил дека „умот на нивниот колега од Северна Кореја не функционира и оти тој би можел да побудале во еден момент“.

– Ким Во своите раце има опасна играчка, која би можела да создаде голема агонија и страдања за целокупното човештво, рече Дутерте.

Трамп побара од филипинскиот лидер да го повика претседателот на Кина Кси Џинпинг да изврши притисок врз севернокорејскиот лидер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.