Попладнево променливо облачно и нестабилно, на повеќе места со пороен дожд, грмежи и засилен ветер. Во периодот од 16:30 до 17:30 јака нестабилна келија имаше над Скопје, проследена со интензивен пороен дожд, грмежи и засилен ветер и со правец на движење од запад кон исток, информираат од УХМР.
За овој краток временски период на мерното место Зајчев Рид се измерени 32 л/м2 дожд. Сега процесите во Скопската котлина се послаби, но и во наредните часови се очекуваат врнежи и поретка појава на грмежи.
Во моментов многу јака конвективна келија има во подрачјето на Кавадарци и Неготино со пороен дожд, грмежи, засилен ветер, а според радарската слика најверојатно и со појава на град. Нестабилно е и во околината на Штип, западно од Пробиштип и околу Пехчево.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
