Македонската опера и балет информира дека претставата „Мадам Батерфлај“ закажана за 28.05.2017 г. СЕ ОТКАЖУВА, а како замена за истата, МОБ организира „ХУМАНИТАРЕН КОНЦЕРТ на Дино Имери“, во сабота на 27.05.2017 година.
-Концертот е со хуманитарен карактер, а целта е собирање на парични средства за понатамошно лекување во странство на младиот пијанист-ученик Никола Алексовски. Сите хумани граѓани ќе можат да донираат преку купување на билет со симболична цена, на лице место, но и преку трансакциската сметка на неговата мајка:
ЕлизабетаАлексовска
300007085053957
Комерцијална Банка АД Скопје
Програма:
– Л. В. Бетовен – Соната бр.23 оп.57 „Апасионата“
– Ф. Лист – „Ла Кампанела“
– Ф. Лист – Мефисто Валцер бр.1
– Ф. Лист – Унгарска Рапсодија бр.2
Дино ИМЕРИ (1990) е еден од најперспективните македонски пијанисти. Своето образование го стекнува кај професорите Људмила и Борис Романови, како и светски афирмираниот Симон Трпчески.
Гостува на најпознатите европски концертни подиуми, а во неодамнешните успеси ги вбројуваме неговите настапи со Софискиот Филхармониски Оркестар, Стразбуршката Филхармонија, Македонска Филхармонија, но и настапи во Ватрослав Лисински-Загреб, Замок Естерхази-Австрија.
Билетите купени за „Мадам Батерфлај“, можат да бидат заменети за хуманитарниот концерт, или да се вратат на билетарницата на МОБ. Апелираме за поголем одѕив на хуманите граѓани за овој хуманитарен концерт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
