Во Џебното кино на Младинскиот културен центар денеска и утре ќе има изведба на претставата „А што потоа“ во режија на Драгана Гунин, која раскажува за жртвите од терористичките напади и војни, конкретно за војната во Сирија.
Како локации за обработка на темата се земени градовите во кои случил напад: Париз, Берлин, Анкара, Брисел, Истанбул, Ница и Дамаск.
Претставата е работена целосно волонтерски и без буџет, обработува длабоко хумана тема, а тоа се прерано прекинатите животи на невините жртви на се почестите терористички напади насекаде низ светот. Оваа претстава е на некој начин спомен за сите жртви кои во вестите за нападите се претставени преку број, а во „А што потоа?“ тие се приказни без крај, на кои сепак некој одлучил да им стави точка, соопшти Театар Независен.
Во претставата играат актерите: Бојан Лазаров, Јанка Лефкова, Нина Максимова, Марјан Наумов, Дарко Ристовски, Благојчо Стојанов, Емине Халил.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
