Откриени новите дресови на Барселона за следната сезона, на градите ќе се рекламира „Ракутен“

Иако се уште нема официјална промоција, во јавноста се појавија фотографии од новите дресови на Барселона за сезоната 2017/2018. Новиот дрес на Барса има нов дизајн поразличен од тие досега, но има и нов главен спонзор.

На местото на катарската авиокомпанија „Катар ервејс“, играчите на Барселона во следните три сезони на градите ќе го носат логотипот и името на јапонскиот интернет гигант „Ракутен“. Цената на новиот спонзорски договор е 50 милиони евра годишно.

Што се однесува до дизјанот, првиот дрес на Барселона е со традиционалните бордо-сини линии, но сега тие се во комбинација на потенки и пошироки линии. Додека,вториот и третиот сет дресови што ќе ги носи Барселона во наредната сезона се еднобојни, едните се црвени, другите светлосини.

Официјалното претставување на дресовите на Барса за следната сезона е закажно за 29 мај, два дена по финалето во Купот на кралот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.