Барселона го најде наследникот на Енрике, се чека само официјална потврда

Луис Енрике ги живее последните денови како тренер на Барселона, односно за него до крајот на актулениот договор му остануваат само уште два натпревари, против Еибар во Примера и финалето на Копа Дел Реј против Алавес.

Тој оваа своја одлука веќе одамна ја соопшти, а каталонците се чини веќе пресекоа кој ќе го наследи. Имено според каталонското радио „РАЦ 1“ нов предводник на клубот од „Камп Ноу“ ќе биде 53 годишниот Ернесто Валверде.

Валверде е поранешен играч на шпанскиот великан и добро ги познава состојбите во тимот, но и во Примера. Наводно со него е договорена двегодишна соработка во која ќе треба да ја потврди својата добра репутација и да ја врати Барселона на посакуваните стази како во домашните натпреварувања, така и во ЛШ.

Валверде во моментов е се уште под договор со Билбао, ама истиот му завршува по крајот на оваа сезона. Во неговата тренерска кариера бил дел уште од Еспањол, Олимпијакос, Валенсија и Вилјареал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.