Македонската репрезентација во традиционално карате имаше успешен настап на Балканскиот шампионат, што се одржа во Белград освојувајќи три први места или вкупно 14 медали (3 златни, 4 сребрени, 7 бронзени).
Конкуренцијата на првенството беше силна, а се одржа во спортскиот центар „Шумице“ во Белград, од 12 до 14 мај. Шампионатот се одржа во повеќе возрасни категории: сениори, младинци, јуниори, кадети и деца.
Златните медали за Македонија ги освоија: Бојан Богдановиќ и Берта Милевска во дисциплината Енбу мажи и жени кај сениорите и во истата дисциплина кај децата Иван Трпковски и Катарина Дробниќ.
Првото место го освои и тимот во дисциплината кумите кај децата во женска конкуренција. На Балканскиот шампионат учествуваа 10 репрезентации: (Македонија, Србија, Босна и Херцеговина, Грција, Црна Гора, Хрватска, Словенија, Романија, Турција и Бугарија).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
