Мобилната апликација „Слико збор“ (Picture Word) победи во категоријата „Борба со болести“ (Fight Poverty, Hunger & Disease) на Светскиот младински натпревар за иновативни решенија 2016 (World Summit Youth Award 2016), каде учествуваа над стотина земји од целиот свет со неколку илјади апликации и проекти поделени во 6 категории.
Оваа апликација е на младиот програмер Даријан Шекеров, ученик во 9 одделение во ООУ „11ти Октомври“ – Скопје.
Тој е горд на оваа награда зашто претставува не само негова победа, туку и на Македонија во светски рамки. Оваа награда претставува голема афирмација во светски рамки за него и неговата апликација бидејќи е претставена на голем број портали и вебстрани кои се направени за светот на информатиката.
Ова не се единствените успеси на младиот талентиран информатичар. Што се однесува до неговите успеси на натпреварите по информатика и оваа година го освои првото место на регионалниот и државниот натпревар за ученици во основно образование. Шекеров се пласира и на државните натпревари по математика, физика и хемија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
