Уставен не го продолжи мандатот на градоначалниците: Ќе се склучуваат ли бракови по 15 мај?

Уставниот суд денеска одлучи да не поведе постапка по двете иницијативи со кои се оспорува членот 35 став од Законот за локална самоуправа, како и членот 16 став 1 од Изборниот законик, кој се однесува на рокот на одржување на локалните избори, а тоа е првата половина на мај.

Со ова мандатот на градоначалиците и советниците истекува на 15 мај.

До Уставниот суд иницијативи за продолжувањето на мандатот на градоначалниците и на советниците поднесоа Министерството за локална самоуправа, Министерството за правда и од Светскиот македонски конгрес.

Со завршувањето на мандатите на градоначалниците и советсници ќе дојде до сериозни компликации во функционирањето на локалните самоуправи, општинската администрација, противпожарните единици нема да можат да примат плата, нема да може да се купува или продава имот затоа што нема да работат даночните одделенија во општините, нема да може да се регистрираат бракови затоа што матичарите се од редовите на советниците, а нема да може да се издаваат дозволи за локалните бизниси.

Локалните избори требаше да се одржат во првата половина на мај, но поради тоа што не беше избран претседател на Собранието, истекоа сите рокови за нивно распишување во предвидениот термин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.