Цуцуловски: Тим од врвни експерти за истражување на нелегалното „примопредавање“ во Собрание

НЕМА ШТО ДА СЕ КАЖЕ. Многумина ме прашуваат зошто не пишувам подетално за настаните во Собранието, од 27.04.2017. Не пишувам, бидејќи нема што посебно да се каже за нив: неколку амбасадори во Република Македонија, заедно со Хојт Ји, го посетија Собранието, се поздравија со новиот („новиот“) собраниски спикер, го прогласија за легално избран претседател – и, толку! Што има тука да се објаснува или да се докажува, пишува професорот Љубомир Цуцуловски на својот профил на „Фејсбук“.

„Она што им преостанува на опозициските (или „опозициските“) партии од Република Македонија е заеднички да се мобилизираат и на професионален начин да формираат тим од врвни домашни и странски експерти, чија примарна задача би била да ги истражат сите легални и нелегагални аспекти од примопредавањето („примопредавањето“) на власта во Собранието – особено во врска со најстариот пратеник на Собранието, кој со нескриена радост ја прифати таа улога. Впрочем, Ферид Мухиќ досега прифати многу улоги, кои се меѓусебно неспоиви. Патем, кај него има повеќе елементи на фактографски грешки, како што и самиот тој е грешка. После сознанијата до кои ќе дојдат, да се преземат сите неопходни мерки како во земјата, така и кај меѓународните институции, кои би биле во согласност со заклучоците од нивното истражување. Барем толку средства можат да одвојат партиите од опозицијата („опозицијата“) и да формираат ваков тим, наместо да чекаат сè да остане на плеќите на народот и на неговите протести. Во случајов, 4-ти Илинден или…“, додава Цуцуловски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.