Легендарниот фудбалер на каталонскиот гигант Барселона, Чави Хернандез, откри дека најдобриот фудбалер на денешницата, Кристијано Роналдо, има само еден проблем. Според поранешниот репрезентативец на Шпанија, единствениот проблем на португалскиот интернационалец е што игра во ерата на Лионел Меси.
Кристијано Роналдо е роден за погодоци, станува збор за спектакуларен фудбалер. Проблем е тоа што тука е и Лионел Меси, за според мене, Меси е најдобриот играч во фудбалската историја. И тоа единствениот проблем на Роналдо, но Кристијано е играч кој продолжува да ги тресе противничките мрежи и кој ќе биде дел од фудбалската историја, изјави Чави.
Поранешниот фудбалер на Барса откри и какво мислење има за португалскиот интернационалец од редовите на каталонскиот гигант, Андре Гомеш.
Андре Гомеш ја правеше потребната разлика кога играше за Валенсија, но Барселона е нешто друго. Начинот на игра бара прилагодување најмалку една година. Низ истото поминаа и Тјери Анри, Ерик Абидал и Арда Туран. Луѓето мора да бидат трпеливи, следната сезона ќе видиме еден нов Андре, кој ќе биде далеку поопуштен и покреативен, додаде Чави.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
