Полицијата во југозападната германска покраина Баден-Виртемберг ја заврши испораката на пици, откако возачот, кој разнесувал пици, стана учесник во сообраќајна несреќа, јави ДПА.
Инцидентот се случил во градот Гагенау, на 100 километри западно од Штутгарт, откако доставувачот на пици не му дал предност на возило што превезувало медицинска опрема и двата автомобили се судрија.
Во несреќата се оштетени и улична светилка и семафор.
Иако и двајцата возачи се однесени во болница со тешки повреди, полицијата сепак успеала да ја спаси нарачаната храна од оштетениот автомобил со пици.
– Пиците беа се уште топли и беа блиску до клиентите кои ги нарачале, па ние само ја завршивме доставата, истакна портпаролот на полицијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
