Манифестацијата ја отвори градоначалникот Тони Трајковски, а присутните ги поздрави и претседателката на организација на жени Гази Баба, Ленче Јовановска.
Етно денови 2013 се одржа во Скопскиот саем, а со свои ракотворби се претставија жени од општина Гази Баба, општините Крушево и Прилеп, како и гости од Врање и Краљево, Република Србија. Во уметникиот дел се претставија учениците од ДСМУ „Илија Николовски Луј“, кои со своите изведби ги одушевија присутните гости. Исто така, со македонски песни се претставија и гостите од македонско – српското здружение од Краљево.
На реализацијата на оваа манифестација претходеа организирање на етно работилници, кои со партнерот во проектот „двв Интернационал“ жените од Гази Баба и сите оние кои беа заинтересирани, учеа разни вештини за изработка на украсен накит, плетење на чипки, изработка на реплики од носии, везење на мотиви од народните носии и друго.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
