Челниците на грчкиот кошаркарски клуб Панатинаикос, никако никако да се помират со катастрофалниот старт на серијата со Фенербахче во Евролигата. Турскиот тим славеше на првите две средби во Атина и сега се наоѓа на чекор до пласман на фајналфор турнирот во Истанбул. Газдите на ПАО решиле да испратат и официјална жалба до Евролигата.
Во неа, прв на удар бил судијата Пукл, а споменат е и македонскиот кошаркар Перо Антиќ. Имено, во втората четвртина на натпреварот дојде до мал конфликт меѓу Антиќ и Синглтон по кој и двајцата кошаркари добија технички грешки, но во ПАО се жалат дека нивниот Американец не заслужил такво нешто, бидејќи не реагирал на „провокацијата до Македонецот”.
Грчкиот тим се жали и на недосудениот фаул на Калиниќ врз Бурусис, како и на прекршокот на Диксон врз Синглтон што не бил регистриран од судиите. Челниците на ПАО заедно со жалбата испратиле и видео-снимки од овие моменти, во обид да направат притисок врз арбитрите пред утрешниот дуел во Истанбул, бидејќи е јасно дека никако не може да се влијае врз конечниот исход и победата на Фенер забележана во Атина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
