Европскиот вицепрвак Атлетико Мадрид во понеделник ги изнесе своите докази пред Спортскиот суд во Лозана, со кои се надева дека ќе ја побие казната на ФИФА заради која на лето не смее да доведува нови фудбалери.
ФИФА му забрани на Атлетико Мадрид доведување на играчи за време на изминатиот зимски преоден рок во јануари, како и претстојниот летен рок заради неправилности околу трансферот на малолетни фудбалери од 2007 до 2014 година.
Сослушувањето во понеделник траеше шест часа, а обете страни ги изнесоа своите верзии на настаните.
Судиите би требало конечната одлука да ја донесат до 1 јуни, кога започнува летниот преоден рок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
