Збу­не­та на власт, поз­бу­не­та без власт

Ро­де­на на: 24 мај 1956 го­ди­на во При­леп

Обра­зо­ва­ние: Тех­но­ло­шко-ме­та­лур­шки фа­кул­тет во Скоп­је

Лил­ја­на По­пов­ска ре­ши­ла да би­де власт по се­ко­ја це­на и во ко­ја би­ло ре­ин­кар­на­ци­ја, па ка­ко што сон­чог­ле­дот се вр­ти по сон­це­то, та­ка и таа се вр­ти по вла­ста. Во пре­диз­бо­ри­е­то ја на­пу­шти ко­а­ли­ци­ја­та „За по­до­бра Ма­ке­до­ни­ја“ и ста­на дел од без­и­ме­на­та ко­а­ли­ци­ја на СДСМ. Или, со дру­ги збо­ро­ви, зап­ли­ва во мат­но­то.

Под­др­жу­ва­чи­те на СДСМ не му про­сти­ја на За­ев што ја пре­гр­на Ли­ле, но неј­се. Ка­ко и се­кое чу­до, за три де­на стив­на лу­ти­на­та на под­др­жу­ва­чи­те, ста­на Ли­ле, но сед­на Ми­ле и Ли­ле пак си вле­зе во Со­бра­ни­е­то.

Ако ми за­бе­ле­жу­ва­те што збо­ру­вам за Ли­ле, а Ма­ја е во со­бра­ни­ско стол­че, тоа е та­ка за­тоа што зе­ле­на­та пар­ти­ја ја зна­е­ме ка­ко ДОМ на Ли­ле. И еве, и во оваа при­го­да ќе го за­др­жи­ме пра­во­то да ја чув­ству­ва­ме ка­ко Ли­ле-пар­ти­ја.

Зо­што ток­му Ли­ле во пр­ви­от пос­тве­лиг­ден­ски број? Со­бра­ни­е­то се рас­пу­шти на Ве­ли­че­твр­ток, ве­лиг­ден­ски­от молк го по­чи­ту­ваа си­те, и вер­ни­ци и не­вер­ни­ци, кој по пла­жи, кој по тр­гов­ски цен­три, па праз­ни­кот по­ми­на ка­ко ви­стин­ски праз­ник – праз­но.

Де­нот пред рас­пу­стот, Вел­ја­сре­да, „дом­ци­те“ на Ли­ле ѝ ја по­све­ти­ја на „Про­гра­ма­та на но­ва­та вла­да“. Ете, еден ме­сец и два де­на отка­ко За­ев ја прет­ста­ви „Про­гра­ма­та на сво­ја­та за­мис­ле­на вла­да“, ДОМ се се­ти да ја под­др­жи. Да се смее чо­век и да не ве­ру­ва – ко­а­ли­ци­ски­от парт­нер на За­ев, Ли­ле пре­ку Ми­ле цел ме­сец по­доц­на нај­де зго­ден мо­мент да му ре­че „ашкол­сун, афе­рим“. И вед­наш е дру­го, се­га шан­си­те За­ев да со­ста­ви вла­да се не­сом­не­но по­го­ле­ми. Авто­ри­тет, си има те­жи­на збо­рот.

Во обра­ќа­ње во Со­бра­ни­е­то пра­те­нич­ка­та Ма­ја Мо­ра­ча­нин истак­на де­ка се по­вре­ду­ва Де­лов­ни­кот. Би­деј­ќи ова го слу­ша­ме 13 про­дол­же­ни­ја на кон­сти­ту­тив­на­та сед­ни­ца, таа до­да­де:

–Истак­нав­ме де­ка т.н пла­тфор­ма ќе би­де упо­тре­бе­на во функ­ци­ја на де­фо­ку­си­ра­ње од су­штин­ски­те те­ми ка­ко вла­де­е­ње на пра­во­то, не­за­вис­но судс­тво, бор­ба про­тив ко­руп­ци­ја, по­чи­ту­ва­ње на чо­ве­ко­ви­те пра­ва и сло­бо­ди, еко­ном­ски прос­пе­ри­тет, здра­ва жи­вот­на сре­ди­на и во функ­ци­ја на отеж­ну­ва­ње на про­це­сот на фор­ми­ра­ње на но­ва­та вла­да.

За­пом­не­те, ДОМ зна­ел и си­те зна­е­ле де­ка пла­тфор­ма­та ќе се зло­у­по­тре­бу­ва. Си­гур­но и Ли­ле е ед­на од тие што мис­лат де­ка ВМРО-ДПМНЕ ја со­ста­ви­ла за да се са­мо­у­ни­шти. Ка­ко што се са­мо­прис­лу­шу­ва­ше.

– Про­гра­ма­та на но­ва­та Вла­да, ко­ја е це­лос­но во сог­лас­ност со Уста­вот и со уни­тар­ни­от ка­ра­ктер на др­жа­ва­та, ја от­стра­ну­ва ос­но­ва­та за за­гри­же­ност кај гра­ѓа­ни­те – фи­ни­ши­ра Мо­ра­ча­нин.

Се­пак, за да би­де цир­ку­сот по­го­лем, еден ден пред про­мо­ци­ја­та на „Про­гра­ма­та на но­ва­та вла­да“, ве­ро­јат­но до­де­ка се пе­ча­тел памф­ле­тот, ДОМ пред­ло­жи да се пов­ле­че ет­нич­ка­та пла­тфор­ма од пре­го­во­ри­те за фор­ми­ра­ње вла­да, во општ ин­те­рес, за да се овоз­мо­жи мир­на ин­сти­ту­ци­о­нал­на раз­реш­ни­ца на по­ли­тич­ка­та кри­за.

„Та­ка­на­ре­че­на­та пла­тфор­ма на ал­бан­ски­те пар­тии по из­бо­ри­те на­ка­ле­ми но­ва, ет­нич­ка кри­за, на ве­ќе по­стој­на­та по­ли­тич­ка кри­за. И не­за­вис­но кој и ка­де го на­пи­шал тек­стот, тој е про­во­ка­ци­ја и дел од ре­ги­о­нал­на игра. На пред­ла­га­чи­те им пос­лу­жи за по­ди­га­ње на реј­тин­гот, но ре­ал­но на­пра­ви огром­на ште­та за ме­ѓу­ет­нич­ки­те од­но­си, за гра­ѓан­ска­та ко­хе­зи­ја и за ре­ги­о­нал­на­та ста­бил­ност. Пла­тфор­ма­та на­пра­ви јаз ме­ѓу гра­ѓа­ни­те, ка­ко удар со се­ки­ра! Соз­да­де пра­ктич­но не­воз­мож­на пре­го­ва­рач­ка по­зи­ци­ја за кој би­ло ман­да­тар, по што ло­гич­но се по­ста­ву­ва и пра­ша­ње­то да­ли во­оп­што не­кој од пред­ла­га­чи­те по­са­ку­ва фор­ми­ра­ње вла­да и ста­би­ли­за­ци­ја на зем­ја­та, или има дру­га аген­да? Ма­ке­дон­ски­от мул­ти­кул­ту­рен обра­зец, со за­шти­та и по­чи­ту­ва­ње на пра­ва­та на си­те за­ед­ни­ци во зем­ја­ва, бе­ше вгра­ден во Уста­вот со Рам­ков­ни­от до­го­вор, кој бе­ше ми­ро­вен до­го­вор. Ако се­га се по­ста­ву­ва­ат ба­ра­ња, кои одат во на­со­ка на про­ме­на на Уста­вот и ре­де­фи­ни­ра­ње на др­жа­ва­та, ло­гич­но е гра­ѓа­ни­те да се исп­ла­ше­ни де­ка не­кој по­са­ку­ва конф­ликт во Ма­ке­до­ни­ја“.

Да су­ми­ра­ме – ко­а­ли­ци­ска­та парт­нер­ка на За­ев пред да ја про­чи­та Про­гра­ма­та на но­ва­та вла­да по­ви­ка да се пов­ле­че пла­тфор­ма­та на ал­бан­ски­те пар­тии ка­ко ус­лов за фор­ми­ра­ње но­ва вла­да, но отка­ко ја про­чи­та, па ѝ лег­на, зна­чи еден ме­сец по­доц­на, ве­ли ка­ква пла­тфор­ма, сѐ е тоа за уни­тар­на Ма­ке­до­ни­ја.

Кој знае што ја збу­ни тол­ку Ли­ле, па ус­пеа тол­ку ве­што да се за­гу­би во не­воз­мож­но­то, а не е од вче­ра во по­ли­ти­ка­та.

Текстот е објавен во рубриката „Личност на неделата“ во 242 број на неделникот „Република“, 21 април 2017 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.