На фестивалот МИТЕМ: „Животот е прекрасен“ на Морфов ја воодушеви унгарската публика

Вчеравечер во Националниот театар во Будимпештаво чија организација е престижниот меѓународен театарски фестивал МИТЕМ, било чест и гордост да се биде дел од Македонскиот народен театар, соопштуваат од националниот театар.

– Ансамблот на МНТ повторно ја покажа својата креативност, посветеност, љубовта и вербата со кои сите заедно ја одиграа „Животот е прекрасен“. Се останато за минатата вечер кажува аплаузот на публиката – вели директорот на МНТ, Дејан Пројковски.

По средбата со публиката и критиката на тркалезната маса претставата била оценета како висок естетски чин, а актерскиот ансамбл на МНТ бил истакнат за врвна актерската игра, во која секој актер својата улога ја креирал со измерени гестови до перфекција.

„Изведбата на „Животот е прекрасен“ на четвртото издание на меѓународниот театарски фестивал МИТЕМ, предизвика големи овации кај унгарската публика. Изведбата на „Животот е прекрасен“ беше проследена со аплаузи на отворена сцена како и на самиот крај, во преполна сала , на крајот ансамблот беше поздравен со долг аплауз и овации.

МНТ со оваа исклучителна претстава во режија на Александар Морфов беше во селективната програма во конкуренција на извонредни продукции од 11 земји: Данска, Полска, Литванија, Летонија, Македонија, Унгарија, Норвешка, Италија, Русија, Романија и Шведска, со најистакнатите уметници на театарот во Европа, врвни театарски куќи и претстави потпишани од светски познати режисерски имиња: Еуџенио Барба, Валериј Фокин, Атила Видњански, Давид Дојашвили,Томас Ричардс, Виктор Рижаков, Александар Морфов, Ана Петерсон, Раду Африм, Алвис Херманис, Искандер Сакаев, Римас Туминас, Силвиу Пуркарете, Еимунтас Некрошиус и други“ се вели во соопштението на МНТ.

Ова исклучително гостување кое е од универзалната значајност и вредност, МНТ долго ќе го памети, а за актерската екипа како презентер и во состав на: Никола Ристановски, Николина Кујача, Биљана Драгичевиќ – Пројковска, Сашко Коцев, Тања Кочовска, Емил Рубен, Гораст Цветковски, Славиша Кајевски, Никола Ацески, Александар Ѓорѓиоски, Арна Шијак, Тина Трпкоска, Александар Микиќ, Никола Стефанов, Александар Михајловски, Кире Ѓоревски, Марија Новак, Драгана Левенска, Никола Кимовски, Марија Димитрова, Анастазиа Христовска и оркестарот „Раскрши се“ ја потврди својата значајност и вредност на европската театарска мапа. Актерската екипа која ја пренесе својата креативна енергија, љубов, уште еднаш го потврди големиот успех и на меѓународен план. Секако големи честитки доби и техничката екипа која неуморно ја следи оваа комплексна претстава.

МНТ вторпат гостува на МИТЕМ. Пред две години националниот театар гостуваше со претставата „Вечната куќа“ во режија на Дејан Пројковски.

МНТ по „Винер фествохен“ во Австрија со премиерната изведба на „Соларис“ и гостувањето на фестивалот во Клуж со претставата „Електра“, продолжува да учествува на најпрестижните европски фестивали, и со тоа покажува дека е дел од европската театарска мапа заедно со големите национални театарски куќи. МНТ оваа година ќе биде дел од официјалната програма на МЕСС, а пота следуваат гостувања во Грац, Виена, Загреб, Белград, Подгорица, Хамбург, Берлин, Торонто.

На 20-тото јубилејно издание Златна Бубамара на популарноста беше избрана за најпопуларна претстава за 2016 година, а на 51-то издание на МТФ „Војдан Чернодрински“ наградата за најдобра машка улога ја доби актерот Никола Ристановски за маестралната изведба на Подсекаљников, а наградата за женска епизодна улога ја доби актерката Билјана Драгичевиќ – Пројковска за улогата на Серафима Илинчина.

По враќањето на екипата од Будимпешта во Скопје, следните изведби на хит претставата „Животот е прекрасен“ се на 23 и 24 април со почеток во 20 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.