Познатите готвачи откриваат кои јадења не треба да ги нарачувате кога сте во ресторан.
1. Добро зготвен стек
Познатиот готвач Ентони Бордејн од Америка открива дека работниците во рестораните имаат две опции кога ќе налетаат на стврднато парче месо кое изгледа како да му поминал рокот: Да го фрлат или да го послужат како добро зготвен стек!
2. Суши од лосос
Имаме лоши вести за љубителите на суши од лосос. Готвачот Хенк Скремптон смета дека треба да го одбегнувате сушито ако е направено од свежи парчиња лосос. Тоа е така затоа што ваквите јадења претставуваат одлична средина за развој на паразити. Но, нема потреба од преголема паника: Процесите на замрзнување риба со сигурност ги убиваат штетните микроорганизми. Готвачот открива дека речиси сите видови риба што се користат за правење суши поминуваат низ такви процеси, а тоа е добро. Сепак, ако се двоумите, најдобро е да го прашате келнерот дали лососот во јадењето е свеж или замрзнат.
3. Вегетаријански јадења
Готвачите од Америка пополниле анонимен прашалник спроведен од страна на Food Network Magazine и 15% од испитаниците признале дека вегетаријанските јадења во рестораните не ги содржат сите состојки што се наведени во менито. Ако сте пребирливи вегетаријанци и постојано ги потсетувате вработените во ресторанот на вашите принципи, најдобро би било да внимавате. Некои готвачи можеби ќе се обидат да ви се одмаздат со тоа што ќе додадат неколку парчиња туна или сланина во вашата салата. Експертот за готвење Ентони Бордејн признал дека вегетаријанците и веганите се многу напорни за секој готвач.
4. Салата од зелка или марула
Никогаш нема да видите луѓе кои работат во ресторан како нарачуваат салата од зелка или марула. Најголемата опасност е тоа што ова јадење има одлични услови за развој на бактериите кои обожаваат да се „населуваат“ во влажните делови од листовите на салатата. Речиси е невозможно беспрекорно да се исчисти зелката за да се уништат сите тие штетни „жители“.
5. Леб
Тројца добро познати готвачи од Америка признале дека неизедените парчиња леб само се пренесуваат од една маса во ресторанот на друга. Секако дека вработените ги топлат пред да ги послужат, но тоа не значи дека се тазе.
6. Риба во понеделник
Поголемиот дел од рестораните купуваат риба пред викенд, односно во четврток или петок. Рибарниците обично се затворени во текот на викендот, а рибата може да остане свежа само три дена. Тоа значи дека ако одлучите да се почестите со риба во понеделник, или ќе добиете нешто многу бајато или ќе мора да се задоволите со нешто што дошло од замрзнувачот.
7. Остриги
Не треба да нарачувате остриги во ресторани кои не се познати по нивната морска храна. Бајатите остриги лесно можат да предизвикаат труење со храна. Најдобро е да бидете сигурни дека ресторанот ги набавува од сигурно место, во свежа состојба.
8. Јадења што не се типични за одреден ресторан
Готвачот Мајкл Армстронг советува дека треба да ги нарачувате само јадењата по кои е познат одреден ресторан. Не очекувајте дека ќе бидете задоволни од храната ако нарачате хамбургер во пицерија или риба во сендвичара. Тоа е така затоа што состојките за јадењата кои не се нарачуваат толку често предолго време стојат во фрижидер и постојат големи шанси дека се расипале.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
